تصدر أسم هالة عمر وتامر حسني ترند مؤشر البحث جوجل ومواقع التواصل الأجتماعي عقب هجوم بسمة بوسيل طليقة تامر حسني عليها في ليلة زفافها.
وتساءل عدد كبير من رواد السوشيال ميديا عن هوية هالة عمر، خاصة وأن تامر حسني لم يتحدت عنها في وقت سابق.
هالة عمر هي المسئولة عن السوشيال ميديا للفنان تامر حسني منذ سنوات كثيرة.
وتعد هالة عمر من أكبر المعجبين بتامر حسني منذ طفولتها، وبدأت عملها مع نجم الجيل في سن الـ 14 عامًا بعدما لفت انتباه تامر حبها الشديد ودافعها المستمر عنه.
كان تامر حسني خلال الساعات الماضية نشر مقطع مصور من حفل زفافها وكتب عنها "لكل اللي بيسأل عن وجة القرابة بيني وبين العروسة الجميلة دي، شايف اسئلة كتير أنا هحكيلكوا، هي اسمها هاله عمر عرفتها كانت بنت من الفانز صغيرة ومن المقاتلين والمدافعين عن تامر على الإنترنت، ومن كتر دفاعها عني لفتت نظري ومرة رديت عليها شكرتها".
وتابع تامر حسني: لما سافرت إسكندرية في الوقت ده لقيت بنت صغيرة اوي بتعيط وبتجري عليا فا وقفتلها وفكرتني بنفسها وفضلت تعيط وتقولي احنا معاك ولازم تكمل، عشان كنت بتحارب جدًا في بداياتي فاتصدمت إن اللي بتقول كده بنت صغيره كده والمجهود ده كله اللي عاملاه بنت صغيره عندها 14 سنة.
وأضاف تامر حسني "وقتها كانت السوشيال ميديا لسه بتطلع.. وكنا في شركتنا بندور على شركة كبيرة تمسكلي السوشيال ميديا، لحد ما قولتلهم أنا مش عايز شركة كبيرة أنا عايز البنت الصغيرة دي هي اللي تمسكها فضلوا يقنعوني أن كده مش صح ولازم أكتر حد خبره يمسكها، وأنا قولت لا لازم أكتر حد بيحبني هو اللي يمسكها وأنا واثق أن طاقة الحب مفعولها أقوى من طاقة المحترف بلا حب".
واختتم تامر حسني "ومن اللحظه دي اتحولت هالة لبنتي الكبيرة بجد.. اللي بتتجوز دلوقتي قدامي وبسلمها لعريسها بنفسي وبغني في فرحها، معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله".
